Jio Lucky Number : આજકાલ ઘણાં લોકોને મન પસંદ નંબર મેળવવાનો ઘણો શોખ હોય છે એ પછી મોબાઇલ નંબર હોય કે પછી વાહન નો નંબર. આજે અમે તમને જણાવીશું કે તમારો મનપસંદ મોબાઈલ નંબર કેવી રીતે મેળવી શકાય.
મોબાઈલ નેટવર્ક પ્રોવાઈડર Jio દ્વારા એક નવી સ્કીમ શરૂ કરવામાં આવી છે. આ અંતર્ગત તમે તમારી પસંદનો નંબર લઈ શકો છો. તમે તમારો લકી નંબર અથવા જન્મ તારીખ તમારો મોબાઈલ નંબર પણ બનાવી શકો છો. Jioની આ નવી સ્કીમ હેઠળ તમે કોઈપણ નંબર પસંદ કરી શકો છો. મોબાઈલ નંબર 10 અંકોનો હોય છે, જેમાંથી તમે છેલ્લા 4 થી 6 નંબર જાતે પસંદ કરી શકો છો. લોકોને આ સ્કીમ ખૂબ જ રસપ્રદ લાગી રહી છે. અમને જણાવો કે જો તમારે તમારો મનપસંદ મોબાઈલ નંબર મેળવવો હોય તો શું કરવું.
તમને જણાવી દઇએ કે Jioની આ સ્કીમનો લાભ લેવા માટે તમારે માત્ર એક જ વાર 499 રૂપિયા ચૂકવવા પડશે. Jioની આ ઑફર પોસ્ટપેડ અને પ્રીપેડ બંને વપરાશકર્તાઓ માટે ઉપલ્ધ છે. કોઈપણ યુઝરે 499 થી વધુ એક રૂપિયો ચૂકવવો પડશે નહીં. આ સ્કીમ હેઠળ, મોબાઇલ ધારક તેમના મોબાઇલ નંબરની પસંદગીનો નંબર પસંદ કરી શકે છે. એ પછી કોઈ લક્કી નંબર હોય કે જન્મ તારીખ.
નંબર મેળવવા માટે સ્ટેપ બાય સ્ટેપ માહિતી
Jioની આ સ્કીમનો લાભ લેવા માટે, પહેલા https://www.jio.com/selfcare/choice-number/ વેબસાઈટની મુલાકાત લો. પછી સેલ્ફ કેર વિભાગ પર જાઓ. આ સિવાય તમે ફોનમાં MyJio એપ ડાઉનલોડ કરીને પણ આ સ્ટેપ પર પહોંચી શકો છો.
ત્યારબાદ તમે મોબાઈલ નંબર સિલેક્શન સેક્શનમાં જાઓ.
ત્યાં તમે તમારો હાલનો નંબર દાખલ કરો. પછી OTP થી તમારો નંબર વેરીફાઈ કરો.
આ પછી તમને નવો નંબર પસંદ કરવાનો વિકલ્પ મળશે.
આ વિકલ્પ પર જઈને તમે મોબાઈલ નંબરના છેલ્લા 4 થી 6 અંકો તમારી પસંદગી મુજબ પસંદ કરી શકશો.
મનપસંદ મોબાઇલ નંબર પસંદ કર્યા પછી, પેમેન્ટ ના વિકલ્પ પર જાઓ. અહીં તમારે 499 રૂપિયા ચૂકવવા પડશે.
પેમેન્ટ કર્યાના લગભગ 24 કલાક પછી નવો મોબાઈલ નંબર એક્ટિવેટ થઈ જશે.